بوستات مضحكة مكتوبة للفيس بوك - بس هيك 3
البوستات المضحكة المكتوبة هي وسيلة رائعة لجذب الانتباه وتحفيز التفاعل على الفيس بوك المليء بالضغوط. هل تساءلت يوما كيف يمكنك إضافة لمسة من المرح إلى صفحتك على الفيس بوك؟ دعونا نستكشف عالم البوستات المضحكة المكتوبة وكيف يمكنها أن تجعل يوم أصدقائك أكثر إشراقا.
اضحك من قلبك - بوستات مضحكة جدا من الواقع
الفكاهة هي وسيلة رائعة للتواصل وبناء علاقات أقوى مع أصدقائك على الفيس بوك. فلا تتردد في إضافة بعض المرح إلى منشوراتك. من يدري؟ قد تكون نكتتك القادمة هي التي تجعل يوم شخص ما أكثر إشراقا.
- بدون زعل، نساء بلا رجال، يعني صحة جيدة وضحكة دايمة وحياة سعيدة خالية من النكد، وبس هيك.
- رحت عند الدكتور وصفلي دوا وقللي بتاخدي حبة بعد الأكل. كنت بدي إسألو يعني ٩ مرات باليوم؟ بس بصراحة استحيت.
- يا ريت يا جماعة أي حدا عطيتو بوزيتف إينيرجي بيوم من الإيام يرجعلي اياها عشان محتاجتها كتير هالإيام حتى لو كانت بوزيتفاية صغيرة كمان محتاجتها.
- يعني الشاب العربي إذا دوبلت عنو بنت بالسيارة كأنها دعست على شرف العيلة ليه؟ بس هيك.
- بعمرك ما تفقد الأمل بتعرف ليه؟ هوي بيروح لحاله، بس هيك
- ما تفكر إنو من دونك بيختل توازني، عادي، بشلح الفردة التانية وبمشي حافية، إي نعم.
- يعني كل هالتكنولوجيا بالعالم وطلعنا على المريخ وعلى القمر وعم يخترعو صواريخ يبيدو فيها مناطق وبعد ما اخترعتو طريقة تفتح علبة المحارم بلا ما يطلع نصها؟ بشووووو مشغولين؟ بس هيك.
- بتعرف إنو الصحيح تقول (امبسطت) ومش ( انبسطت) لإنو بالعادة منكون مبسوطين ومش نبسوطين. لقيت حالي فاضية قلت بثقفكن شوي.
- بيكفينا إنو حلوين بعيون ناس محددة، مش شرط نُعجب أمة محمد. بس هيك.
- بس عند العرب بتقله "فلان مات"، بيقللك"معقول؟ مبارح شفتو"، يعني إذا مبارح شفتو بيكون جدد إشتراكه وممنوع يموت؟ بس هيك.
- بتعرفو الفرق بين صوتي وصوت الرصاصة؟. الرصاصة بتاخد الروح أما صوتي فبيرد الروح، وما حدا يقللي اعطيني رقمك ما رح أعطيه. بس هيك.
- مش كل مين حط إيدو ع كتفك سند إلك. ممكن يكون آكل شيبس وعم بيمسح فيك، بس هيك
- ما بيقهرني غير البنت اللي بتنق ع حبيبها إنو يتزوجها، يعني فوق ما حبِّك بدك كمان يتزوجك!عن جد ما بتنعطو وجه،وهيك.
- البعض يرحلون بدون أعذار والبعض يكرهونك بدون سبب، أهم أهم شي الإنترنت شغّال والبراد في أكل.
- كل يوم قبل ما نام بتذكر كل خطأ عملتو، وكل حدا قصرت بحقو، وكل حدا حكيت عنو وكل حدا زعلتو، وبعدين بقول:أصلاً بيستاهلو، وبنام بسلام. هيك مش هيك إنتو ؟ ما بعرف.