امبارح ... خيالك ماعاد بدو يروح من بالي
سكبلي كاااس .... حط العشا
سكر برادي الليل
لفني بشالك ...ولفك بشالي
وصار يحكيلي حكايات من بالو شوي عن حالو
وكتييييير عن حالي ....
فكفك زرار الحيط
فرجاني القمر
شباك بردايتو.. تلالي
وصار يمحي في العتم شقفة
يرسم عين هون ....يرسم تم هون وقبله هون
شو واسع خيالو
بقي للصبح سهران
فتح بوابي ... صبح عل الجيران
حضر القهوة وزين الركوة بالورد ...بالريحان
وشرب شفة وناام .... ببالي
Comments
Post a Comment